Baʼzi olimlarning fikriga koʻra, zoologlarga yer faunasining faqat bir qismi maʼlum va fanga nomaʼlum turni eng kutilmagan daqiqada kashf qilish mumkin. Masalan, nemis olimi Krumbigel pingvinlarning yangi turini kashf etgan boʻlsa, gollandiyalik biolog Mark van Roosmalenga choʻchqaning yangi turini topish nasib etdi. Krumbigel oʻz kashfiyotini Antarktida haqidagi filmni koʻrish uchun borgan kinoteatrda, gollandiyalik esa Braziliyaning Rio-Aripuana hududida amalga oshirdi... Mark hech kim tasvirlamagan choʻchqani koʻrgan joyga qanday maqsadda borgan edi?