Dunyo choy bozorining katta qismini nazorat qiluvchi firma asoschisi Tomas Lipton bir safar Qizil dengiz orqali oʻz yukini olib ketayotgan edi. Koʻngilsizliklar boshlanib, ortiqcha yuklangan kema choʻka boshladi. Kemani yengillatish uchun choy bogʻlamlarini bortdan tashlay boshlashdi. "Toʻxtang!" — deb baqirdi Lipton, soʻng qizil boʻyoqni olib, bogʻlamlar ustiga tezda nimalardir yoza boshladi. Bir necha daqiqadan soʻng bogʻlamlar qirgʻoqqa tomon yorqin qizil yozuvlar bilan suzib ketdi. Ushbu yozuvlarning maʼnosini qayta tiklang.