Qadim zamonlardan beri deyarli butun tropik iqlimli dunyoda ushbu ajoyib oʻsimlik yetishtiriladi: uning suvda eritilgan bir necha tomchi sharbati qattiq goʻshtni yumshatadi. Ushbu oʻsimlik sharbatidan, xususan, tibbiyotda qoʻllaniladigan modda olinadi. Uni yigʻish uchun hech qachon metall pichoq va idishlar ishlatilmaydi: erta tongda tumanli ob-havoda yoki yaxshi yomgʻirdan keyin yigʻiladi. Jarayonning oʻzi esa shunday koʻrinadi: meva pishishidan bir necha kun oldin unga ikki-toʻrtta mayda kesik tushiriladi. Soʻngra meva ostiga toza shisha idish qoʻyiladi va sharbat quyulguniga qadar oqib tushadi. Kesiklar boʻylab toʻplangan quyqalar ehtiyotkorlik bilan qirib olinadi. Ushbu sharbat qanday ataladi?