Savolda “BOʻSHLIQ” oʻrnida bir soʻz tushib qolgan. Olimlar uzoq yillardan buyon boshqariluvchi termoyadro sintezi ustida ish olib borishsa-da, hozircha ijobiy natija yoʻq. Qurilishi 1980-yillarda boshlangan Xalqaro eksperimental termoyadro reaktori loyihasiga koʻra, ilk termoyadro reaktori 2025-yilda ishga tushishi kutilmoqda. Lekin bu ham hali aniq emas. Fizik olim Pyotr Leonidovich Kapitsaga tegishli istehzoli konstantaga koʻra, “Termoyadro reaktorini ishga tushirishga 30 yil qolmoqda. BOʻSHLIQ”. Diqqat, savol: boʻshliq oʻrnidagi bitta soʻzni toping.