Oʻn sakkizinchi asrda Prussiyani boshqargan qirol Fridrix Ikkinchi bir kuni Berlin shahar qamoqxonasiga tashrif buyuradi. Mahbuslar birin-ketin qirolning oyogʻiga yiqilib, shoʻr peshonasidan nolib, aybsiz ekanliklariga qasamyod qilishadi. Faqat bir kishi chetda kamtarona turar va qiroldan afv soʻramas edi. "Xoʻsh, sen-chi, — deb murojaat qildi qirol unga, — sen ham bu yerga xatolik bilan tushib qoldingmi?". "Yoʻq, aʼlohazrat, men munosib jazomni oʻtayapman. Men qurolli bosqinchilik uchun hukm qilinganman". Monarx darhol ushbu mahbusni qamoqdan ozod qiladi. U oʻz harakatini qanday izohladi?