"Kim millioner boʻlishni xohlaydi?" oʻyini koʻplab mamlakatlarda mavjud. Masalan, Buyuk Britaniyada oʻyin mavjud boʻlgan butun davr mobaynida maksimal yutuqni faqat toʻrt ishtirokchi qoʻlga kiritgan. Dastlabki uchta holatda bu fakt tomoshabinlarda faqat ijobiy his-tuygʻularni uygʻotgan boʻlsa, toʻrtinchisi gʻazab boʻroniga sabab boʻldi. "Yoqimsiz syurpriz", "tomoshabinlar oʻzlarini talangandek his qilishdi", "bu taqdirning ustidan kulish emasmi" — bularning barchasi shu munosabat bilan chop etilgan gazeta maqolalaridan parchalar. Bunday munosabatga nima sabab boʻlgan edi?