Bir kuni tunda, u hali yosh bola boʻlganida, otasi Arnold uni noyob hodisa — meteorit yomgʻirini koʻrsatish uchun uygʻotadi. Uyqusiragan bola hayratlanarli manzarani tomosha qiladi va otasining: "Xoʻsh, yoqyaptimi?" degan savoliga tasdiq javobini berib, bularning hammasi uniki boʻlishini qoʻshimcha qiladi. Shundan soʻng, kichkina va uyatchan bola keskin oʻzgaradi va hech kimga tinchlik bermaydi. Ayniqsa, u turli usullar bilan qoʻrqitishni yaxshi koʻradigan opa-singillari koʻp aziyat chekishadi. Natijada, singillaridan biri bir yilga nutq qobiliyatini yoʻqotadi. Keyinchalik "yulduzli bola" laqabini olgan bu inson oʻz hayot yoʻlida sharhlovchilar va tanqidchilar fikricha, u kabi gʻayritabiiy boʻlgan boshqa bir inson bilan uchrashadi. Ikkinchisini "raqamli sehrgar" deb atashgan. Ularning tanishuvidan soʻng nima dunyoga keldi?