Tasavvur qiling, qarshingizda oʻz kasbining ikki nafar odatiy vakili — pianinochi va gitarachi oʻtiribdi. Lekin musiqachilarning oʻzlari parda ortida, sizning koʻz oʻngingizda faqat ularning stolda kaftlari pastga qaratib qoʻyilgan qoʻllari bor. Qoʻllariga qarab parda ortidagilarning qaysi biri pianinochi, qaysi biri gitarachi ekanligini aniqlay olasizmi?

Tirnoqlarga diqqat bilan qarash kerak; pianinochilar tugmachalarni urganida ovoz chiqmasligi uchun tirnoqlarini qisqa qilib olishadi, gitarachilar esa odatda ikki qoʻlidagi tirnoqlarni turlicha olishadi: torlarni grifga bosadigan qoʻl barmoqlarining tirnoqlari pianinochiniki kabi olingan boʻladi, torlarni chertadigan ikkinchi qoʻlda esa tirnoqlar ataylab oʻstiriladi, chunki tor barmoq uchi bilan emas, balki mediator yoki tirnoq bilan chertilganda jarangdorroq chiqadi. Lekin mediator murakkab gitara asarlarini ijro etishda xalaqit beradi, shuning uchun gitarachilar oʻz tirnoqlaridan foydalanishadi.