Rossiyadagi kazinolardan birining menejeri hojatxonalardagi zamonaviy qoʻl quritgichlarni (issiq havo beradigan) oddiy sochiqlarga almashtirishni taklif qildi. Gʻoya hayotga tatbiq etildi, menejer esa rahbariyatdan minnatdorchilik oldi. Kazino uchun ushbu "takomillashtirish"ning foydasi nimada edi?

Oddiy sochiq bilan qoʻlni quritish vaqti elektr quritgichga qaraganda ancha kam. Demak, mijozda tinch muhitda "hali hamma pulimni yutqazmasimdan kazinodan ketib qolsammikan" degan "gunohkorona" oʻylarga vaqt kamroq qoladi, qimor ehtirosi soʻnib qolish ehtimoli kamayadi va umuman — mijoz hojatxonada qancha kam vaqt oʻtkazsa, oʻyin zalida shuncha koʻp vaqt boʻladi.