Qadimiy bilimdonlar hikmati shunday deydi: "Savolda kim haqida gap ketayotganini bilmasang — Pushkin deb javob ber". Bilganingda nima deb javob berish haqida bunday qoida yoʻq. Endi esa — diqqat, savol: "Ba'zilar yoʻq endi, boshqalar esa olisda" qanotli iborasining muallifi kim?

Koʻpchiligimizga bu ibora A.S.Pushkin tufayli ma'lum, ammo uning asl muallifi Sa'diy (Pushkinda — Sadi) — XII-XIII asrlarda yashagan mashhur fors shoiri, Sheroz shahrida tugʻilgan, "Guliston" va "Boʻston" dostonlari muallifi. "Yevgeniy Onegin" romanida shunday oʻqiymiz: "Lekin men ilk bandlarni oʻqib bergan doʻstlarim... Ba'zilar yoʻq endi, boshqalar esa olisda, Sa'diy bir vaqtlar aytganidek". Pushkin "Boqchasaroy favvorasi" asariga epigraf sifatida Sa'diyning "Boʻston" dostonidan ushbu satrlarni keltiradi: "Koʻplar, xuddi men kabi, ushbu favvorani ziyorat qildilar; ammo ba'zilar endi yoʻq, boshqalari esa olisda kezib yuribdi".