Mening bir kichkina jiyanim bor... Yaqinda u mehmon boʻlib kelganida, javonda menga Yangi yilga sovgʻa qilingan narsani koʻrib qoldi. Bir varoq qogʻoz va ruchka olib, oʻylanib oʻsha buyumning nomini yozdi va xayolga choʻmdi. Bir oz vaqt oʻtgach, men bu voqeani unutib yuborganimda, u meni bir qarashda tushunarsiz boʻlgan jumla bilan hayratda qoldirdi: "Lotin Amerikasi davlatlaridan birining poytaxtida avtomobil chiqindi gazlarining ifloslanishini oʻlchash va sozlash". Mening tushunmayotganimni koʻrib, bu qitmir bola gap lavhadagi ehtimoliy yozuv haqida ketayotganini tushuntirdi. Menga bularning barchasi oʻsha Yangi yil sovgʻasi va jiyanimning qogʻozdagi qisqa yozuviga tegishli ekanini tushunish uchun bir daqiqa yetarli boʻldi. Xoʻsh, sizga Yangi yilga menga nima sovgʻa qilishganini topish uchun bir daqiqa yetadimi?