Sergey Bubka tayanib sakrash boʻyicha yopiq zalda 6 m 15 sm va ochiq stadionda 6 m 14 sm natija bilan jahon rekordchisi hisoblanadi. Unga tegishli boʻlgan yana bir 5 m 20 sm ga teng rekord natija kamroq maʼlum. Bu rekordning mohiyati nimada?

Bu langarchoʻpni ushlashning maksimal balandligi. Ushlash joyi qanchalik baland boʻlsa, sakrashni amalga oshirish jismonan shunchalik qiyinlashadi, lekin nazariy jihatdan shunchalik katta balandlikni zabt etish mumkin. Yugurish va sakrash vaqtida Bubkaning langarchoʻp uchiga eng yaqin qoʻli undan 5 m 20 sm masofada boʻladi.