Bu inson haqida afsonalar yurardi. Fellini uni "kinematografiya Shekspiri" deb atagan. Butun umri davomida u pokizalikka mukkasidan ketgan edi: kuniga 50 marta qo‘lini yuvar, 5 marta vanna qabul qilar va 10 ta sochiqni almashtirardi. U qovurilgan tuxumni yomon ko‘rardi va uni irodasiz, bo‘shang odamlarga o‘xshatardi. Erotoman bo‘la turib, 30 yil davomida jinsiy hayotsiz yashagan va uning o‘rnini yaxshi taom hamda vino bilan to‘ldirgan. U birinchi ingliz ovozli filmini suratga olgan va 80 yoshida qirolicha tomonidan Britaniya imperiyasi ordeni bilan taqdirlangan. Bo‘lajak aktrisalaridan birining tug‘ilgan kuniga (u 5 yoshga to‘lganda) u qizaloqqa onasining mumdan yasalgan haykalchasi solingan mitti tobutcha sovg‘a qilgan. Uning ismi nima edi?