Har birida 10 tadan tanga boʻlgan 10 ta toʻp bor. 9 ta toʻpda tangalar 2 grammdan, 10-toʻpda esa 1 grammdan. Elektron tarozida bir marta tortish orqali yengilroq tangalar boʻlgan toʻpni qanday aniqlash mumkin (albatta, tangalar tashqi koʻrinishidan farq qilmaydi)?

1-toʻpdan 1 ta tanga, 2-toʻpdan 2 ta tanga... 10-toʻpdan 10 ta tanga olinadi. Bularning barchasini elektron tarozida bir marta tortib, koʻrsatkichga (umumiy vaznga) qarab kerakli toʻp aniqlanadi: agar umumiy vazn 110 grammdan 1 grammga kam boʻlsa, demak yengil tangalar 1-toʻpda va hokazo.